ELAN

“Qafqazda Media Tədqiqatlarının İnkişafı” regional jurnalist tədqiqatları layihəsi

Qafqaz Media Tədqiqatlar Mərkəzi (QMTM) məmnuniyyətlə Acıq Cəmiyyət İnstitutu Yardım Fondunun dəstəyi ilə “Qafqazda Media Tədqiqatlarının İnkişafı” regional jurnalist tədqiqatları layihəsinin icrasına başladığını bəyan edir. Layihə Azərbaycanı və Gürcüstanı əhatə edir. Noyabr ayından başlayaraq 6 ay müddətində davam edəcək layihədə hər ay müəyyən olunmuş bir mövzu üzrə müsabiqə elan olunacaq.

Musabiqəyə təqdim olunan yazılar yerli mediada çap olunmalıdır. Hər ay jurnalistlər üçün ümumi məbləği 550 ABŞ dolları olan mükafat fondu nəzərdə tutulub. Ay ərzində elan olunmuş mövzu üzrə təqdim olunmuş yazılar üçün 6 mükafat veriləcək:

1– ci yer – 1 mükafat
2 –ci yer – 2 mükafat
3 –cü yer – 3 mükafat

Hər 1-ci yer üçün aylıq mükafat 200 ABŞ dolları, hər 2 –ci yer üçün aylıq mükafat 100 ABŞ dolları, hər 3-cü yer üçün aylıq mükafat 50 ABŞ dolları həcmində müəyyən olunub.
 

Aylar	Tədqiqat mövzuları	Musabiqənin başlama tarixi	Yazıları son təqdim etmə tarixi
I ay	Uşaq hüquqlarının qorunması və uşaq əməyindən sui istifadə halları	15 Noyabr	15 Dekabr
II ay	Korrupsiyaya və rüşvətxorluğa qarşı mübarizədə medianın rolu	15 Dekabr	15 Yanvar (2007)
III ay	Qafqazda insan ticarəti və seksual zorakılıq problemləri	15 Yanvar	15 Fevral
IV ay	Əlillər və onların cəmiyyətə inteqrasiyası problemləri	15 Fevral	15 Mart
V ay	Qafqazda narkotiklərin qanunsuz dövriyyəsi və buna imkan yaradan amillər	15 Mart	15 Aprel
VI ay	Qafqaz ailələrində qadın hüququ və gender problemi	15 Aprel	15 May

Hər bir aylıq müsabiqənin nəticəsi yazıların təqdimetmə vaxtı bitdikdən sonra 15 gün ərzində elan olunacaq.

Əlavə məlumat üçün aşağıdakl telefon nömrələri və ya e-maillərlə əlaqə saxlayın:

437 2003; (050) 319 2079

E-mail: caucasusmedia@yahoo.com
           office@caucasuscenter.org